Blanco Papier

Ek wens ek kon jou gedig skryf wat ek kon verstaan

Ek wens ek kon jou twyfel verwoord vertaal

Ek wens ek kon jou onsekerheid vervang

met sinne en syllabels wat ek ken

Die grammatika van jou bang wees neerle met my pen

Die swart in jou hart my ink maak en neerskryf op 'n lyn

Jou woordloosheid vervang met letters

Jou gevoelens met mekaar laat rym

Miskien sou ek dan as ek die woorde lees

JOU gedig verstaan maar

Jou stilte los 'n blanco papier op die tafel van my hart.